Lexoni edhe:
Krejt çka dihet deri më tani rreth vrasjes në Novosellë të Pejës
Albin Kurti voton në Shqipëri
Kryeministri i Kosovës, Albin Kurti, sapo ka votuar për zgjedhjet Parlamentare në Shqipëri.
I pari i Lëvizjes Vetëvendosje dhe ekzekutivit të Kosovës, ka votuar në Tiranë.
“Dita e zgjedhjeve është ditë e demokracisë. I ftoj të gjithë qytetarët e Shqipërisë që sot ta respektojnë atdheun duke votuar dhe bërë zgjedhjen më të mirë. Dita është e bukur, e dielë, me diell, kështu do të jetë deri në mbrëmje. Uroj ditë të bukura dhe mbarësi për Shqipërinë dhe secilin njeri që ashtu sikurse unë, e ka pasaportën e Republikës së Shqipërisë”, ka deklaruar Kurti pas votimit.
Kujtojmë se në zgjedhjet Parlamentare në Shqipëri, Lëvizja Vetëvendosje ka tre kandidatë për deputetë.
Boiken Abazi, Kreshnik Merxhani dhe Iliaz Shehu, janë kandidatët e VV’së në Shqipëri.
(Kosova Sot Online)
