Simmonsit i duket interesant mohimi i Gjermanisë: A po e pranon ambasadori se ekziston një “non-paper”?
Ish-shefi i gjykatësve të misionit evropian në Kosovë, EULEX, Malcolm Simmons, i ka reaguar ambasadorit të Gjermanisë në Kosovë, Jorn Rohde, i cili mohoi se ekziston një “non-paper” i Gjermanisë dhe Francës lidhur me pikat e marrëveshjes përfundimtare që duhet të arrihet ndërmjet Kosovës dhe Serbisë.
Atij i duket se ambasadori gjerman megjithatë e pranoi se ekziston një “non-paper”, pasi tha se mund të ketë ndonjë letër, burim i së cilës nuk është Gjermania apo Franca.
“Koment interesant: “Mund të ketë një letër…” A është ky një pranim Ambasador se ekziston, me të vërtetë, një “non-paper”?”, shkroi Simmons në Twitter.
Ambasadori i Gjermanisë në Kosovë, Jorn Rohde, ka thënë “non-paper” i publikuar mediat është “fake news”.
“E ashtuquajtura “non paper” francezo-gjermane e publikuar nga Koha Ditore është lajm i rremë. Mund të ketë dokument, por sigurisht që nuk është francezo-gjerman. Ne e përkrahim plotësisht dialogun e udhëhequr nga BE-ja dhe Miroslav Lajcak, sic e theksoi përsëri ministri i Jashtëm i Gjermanisë, Maas, të enjten e kaluar në Prishtinë”, shkroi Rohde në Twitter.
“Non-paper”, ku përkufizohet procesi që do të çonte në marrëveshje mes Kosovës dhe Serbisë është publikuar dje. Letra thuhej se ishte nismë gjermano-franceze, gjë të cilën e mohoi ambasadori gjerman.
Kjo letër, që është dërguar në adresë të express, ndër tjerash përmend njohjen e Kosovës nga Serbia dhe se të dy shtetet duhet të pajtohen që të themelohet një “distrikt autonom i Kosovës Veriore”, me kompetenca vetëqeverisëse.
Interesting comment: "There might be a paper..." Is this an admission Ambassador @GermanAmbKOS that there is, indeed, a 'non-paper'? https://t.co/eWvHX0Q24t
— Judge Malcolm Simmons (@SimmonsJudge) April 27, 2021
(Kosova Sot Online)