Lexoni edhe:
Kryeministri Kurti e merr dozën e dytë të vaksinës
12-vjeçarja e mbijetuar nga aksidenti në Koshare në gjendje të rëndë, flasin nga QKUK
Katër persona kanë mbetur të vdekur dhe tre të lënduar në aksidentin që ndodhi të dielën në fshatin Koshare. Nga të lënduarit, një 12-vjeçare është në gjendje të rëndë shëndetësore
Këtë e ka konfirmuar doktoresha e Qendrës Emergjente të QKUK-së, Krenare Makolli.
“E kemi pacienten në gjendjen emergjente. Është në gjendje të rëndë. Vazhdon të jetë në frymëmarrje të asistuar, në respirator”, ka deklaruar Makolli
Ndryshe, të dielën në aksidentin që ndodhi në fshatin Koshare të Ferizajt, si pasojë e një aksidenti trafiku në mes dy veturave, kanë vdekur katër persona dhe kanë mbetur të lënduar tre të tjerë.
Policia ka arrestuar të dielën një person i cili dyshohet se ka shkaktuar aksidentin, ndërkaq sot gjatë ditës Prokuroria Themelore në Ferizaj ka bërë kërkesë për caktimin e masës së paraburgimit ndaj tij.
(Kosova Sot Online)
