Lexoni edhe:
Miratimi i Ligjit Anti-Mafia i kthen në buxhet të shtetit milionat e Telekomit të zhvatur nga oligarkët Devolli
“Mashtrues ordiner”, “Po mundoheni të manipuloni” – përplasen Armend Zemaj e Arben Vitia në Kuvend
Deputeti i Lidhjes Demokratike të Kosovës, i cili në Qeverinë Hoti ishte ministër i Shëndetësisë, Armend Zemaj, është përplasur në Kuvend me ministrin aktual të Shëndetësisë, Arben Vitia.
Zemaj e ka quajtur Vitinë mashtrues ordiner, derisa ka folur për çështjen e angazhimit të infermierëve gjatë pandemisë.
‘’Më vjen keq për fjalorin e tij tipik mashtrues, edhe atë ordiner. Angazhimi i stafit mjekësor dhe operacionalë është bërë në bazë të ligjit anti-covid. Nëse kryeministri gjeni del e deklaron ligjërisht se pandemia ka përfundu në Kosovë, atëherë nuk do të ketë nevojë për angazhim të tillë’’, tha Zemaj.
Vitia i është përgjigjur Zemajt, duke thënë se ai po mundohet t’i manipulojë infermierët që kanë shërbyer gjatë pandemisë.
‘’Në mënyrën se si e bëni ju është për të ardhur keq. Ju si ministër e dini si ka qenë kontrata e tyre. Është për të ardhur keq si mundoheni t’i manipuloni këta infermierë që kanë shërbyer në mënyrën më të mirë gjatë pandemisë’’, tha Vitia.
(Kosova Sot Online)
