Lexoni edhe:
Policia vazhdon të dënojë shoferët që nuk po respektojnë rregullat e komunikacionit
Hakerat fushatë të ashpër grabitjesh të të dhënave
Uashingtoni dhe Londra japin alarmin se hakerat e ushtrisë ruse janë duke kryer një sulm të madh kibernetik ndaj institucioneve shtetërore në Shtetet e Bashkuara dhe Europë.
Shërbimet amerikane dhe britanike të zbulimit thonë se fushata e tyre është përqendruar tek grabitja e adresave të postave elektronike dhe e informacioneve të tjera kryesisht nga anëtarët e kongresit amerikan, parlamentit britanik dhe nga eurodeputetët.
Fushata më e fundit e sulmeve rezulton të ketë nisur që prej mesit të 2019-s. Gjigandi botëror i kompjuterave Microsoft konfirmoi se në shënjestër janë institucionet dhe organizatat që përdorin shërbimet hapësirat e ruajtjes së të dhënave online të Office 365. Madje shërbimet perëndimore të zbulimit thonë se rusët po përdorin forcë brutale për grabitjen e të dhënave.
Sulmet organizohen nga grupet e hakerave të agjencisë së zbulimit ushtarak rus GRU. Shërbimet amerikane dhe britanike të zbulimit kanë zbuluar të paktën 3 nga këto grupe të fshehura prapa emërtimeve Arushi dekorativ, APT28 e Strontium.
Dyshohet këto grupe fshihen edhe prapa të dhënave që iu vodhën stafit të demokratëve amerikanë gjatë fushatës presidenciale të 2016
(Kosova Sot Online)
