Kosovarja që u përdhunua nga Vukotiq: Kam qenë shtatzënë, pas përdhunimit më vdiqën dy binjakët

  • G.G /
  • 09 korrik 2021 - 09:43
Kosovarja që u përdhunua nga Vukotiq: Kam qenë shtatzënë, pas përdhunimit më vdiqën dy binjakët

Gruaja që u dhunu seksualisht nga serbi Zoran Vukotiq gjatë luftës në Kosovë ka rrëfyer krejt çka kishte përjetuar në vitin 1999.

Në Pressing ajo ka treguar se kur ishte dhunuar nga Vukotiq, ajo kishte qenë shtatzënë, në pritje të dy djemëve.

Ajo thotë se për këtë ishte në dijeni pas përfundimit të luftës kur edhe e kishte kuptuar se i kanë vdekur të dy fëmijët që po priste t’i sjell në jetë.

“Kam qenë shtatzënë, duke pritur fëmijë, dy djem. Pas përfundimit të luftës e kam kuptuar që kam qenë duke pritur fëmijë, e kam kuptuar që më kanë vdekur të dytë”, ka thënë ajo.

Tutje ajo tregoi për momentin kur u ribashkua me familjen e saj. Ajo shpjegon se ata e kuptuan çfarë kishte ndodhur nga gjendja në të cilin ishte kthyer në shtëpi.

“Unë e gjeta familjen, në shtëpinë ku ishim, shkova në gjendje, gjendja flitke vetë s’kisha nevojë me fol kurrgjë hiç, gjithçka tregonte pamja ime. Më është ofru ndihma mjekësore, në një shtëpi private, se s’kanë guxuar me ekzistu mjekët. Falë zotit qëllimin që e kam pasë e kam arritur”, ka treguar ajo.

(Kosova Sot Online)