Lexoni edhe:
Helmimi në Deçan, një 13-vjeçare niset me urgjencë në Spitalin e Pejës
Kurti ende në Greqi, mbledhjen e Qeverisë e drejton Besnik Bislimi
Mbledhja e Qeverisë së Republikës së Kosovës po udhëhiqet nga zëvëndëskryeministri, Besnik Bislimi, pasi shefi i ekzekutivit, Albin Kurti, ende s’është kthyer, edhe përkundër që në njoftimin e Zyrës për Media të Kryeministrisë të titulluar “Agjenda e Kryeministrit për Sot”, nënkuptohej që Kurti do të merrte pjesë në mbledhje.
Kreu i ekzekutivit është duke qëndruar në Greqi që nga 8 korriku, ku po merr pjesë në disa organizime të ndryshme.
Këtë e kishte konfirmuar sot zëdhënësi i Qeverisë, Perparim Kryeziu, teksa kishte dhënë detaje për vizitën e Kurtit në Republikën Helene.
“Kryeministri i Republikës së Kosovës, Albin Kurti është në vizitë zyrtare në Greqi që nga data 8 korrik. Ai ka udhëtuar në Athinë me ftesë të organizatorëve të dy konferencave të rëndësishme, në të cilat kryeministri Kurti ka qenë pjesë e panelit të diskutimit. Fillimisht, me 9 korrik, kryeministri Kurti ishte pjesëmarrës në tryezën e rrumbullakët të organizuar nga “The Economist” dhe Qeveria e Greqisë. Aktualisht, po merr pjesë në Simpoziumin SYMI”, ka shkruar sot Kryeziu.
(Kosova Sot Online)
