Lexoni edhe:
Trishtuese/ Vajzat afgane i përgjërohen ushtarëve amerikane t’i shpëtojnë
Mediumi i afërt me Vuçiqin bën propagandë kundër bregdetit shqiptar
Kryeministri i Shqipërisë, Edi Rama, bashkë me presidentin e Serbisë, Aleksander Vuçiq, janë duke bashkëpunuar për ta çuar përpara idenë e tyre të Minishengenit apo të emëruar si “Open Balkan”, me qëllim që, siç thonë, avancimin e bashkëpunimit rajonal. Por pavarësisht këtij bashkëpunimi Rama-Vuçiq, mediat e lidhura me pushtetin në Serbi kanë zgjedhur që të bëjnë propagandë negative për rivierën shqiptare, për përmirësimin e të cilës shteti shqiptar ka investuar miliona euro.
Media serbe B92 që konsiderohet e lidhur me pushtetin shkruan se si turistët serbë që kanë zgjedhur si destinacion Shqipërinë për të kaluar pushimet janë zhgënjyer me çka kanë parë atje.
Siç pretendon B92, turistët serbë që po kalojnë pushimet në Shqipëri janë ankuar për mirëmbajtjen e plazhit në bregdetin shqiptar.
Një pushuese serbe ka postuar një video në rrjetin social TikTok që sipas saj në plazh ka gjetur mbeturina dhe mbetje të tjera.
“Deri sa erdha të gjithë thanë se është shumë bukur. Kjo është çfarë nuk na kanë treguar, papastërti, erë e keqe, ujëra të zeza nga të gjitha anët. Kjo është vetëm një pjesë”, ka thënë ajo në videon e postuar.
Në video, ajo theksoi se vendi në fjalë është Spile, dhe pretendon se ujërat e zeza po derdhen në rrugë. Videoja tregon një plazh të zbrazët ku njerëzit lanë bishtat e cigareve, si dhe shishe dhe kanaçe.
Ndryshe riviera shqiptare është vlerësuar si një ndër më të mirat nga revista serioze të cilat merren me turizëm. “Shqipëria i ka plazhet e pikturuara”, kështu e kishte përshkuar revista austriak Kosmo.at bregdetin shqiptar.
(Kosova Sot Online)
