Lexoni edhe:
Ushtria britanike: Talebanët qëlluan drejt turmës së qytetarëve
20-vjeçaren e çojnë dhe e lënë të vdekur në spitalin e Ferizajt, Policia nuk i gjen shoqëruesit
Një vajzë rreth moshës 20 vjeçare është dërguar pa shenja jete në Qendren Emergjente në Ferizaj.
Vdekjen e viktimës e kanë konstatuar mjekët në spital.
Lajmin e ka konfirmuar, zëdhënësi i policisë për rajonin e Ferizajt, Kanun Veseli i cili tha se viktima është dërguar në spital nga disa persona të cilët pastaj janë larguar.
“Rreth orës 15:08 e kemi pranuar informatën se një vajzë rreth moshës 20 vjeçare është dërguar pa shenja jete në Qendren Emergjente. Vdekjen e viktimës e kanë konstatuar mjekët. Policia ka dalë në vendin e ngjarjes dhe po i zhvillon hetimet”.
“Viktimën e kanë sjell disa persona. Nuk dihet numri i saktë. Policia po i zhvillon hetimet për të zbardhur rastin. Nuk dihet nëse viktima ka pasur shenja jete derisa ka arritur në spital. Por, vdekjen e kanë konstatuar mjekët në Qendren Emergjente”.
Veseli ka bërë të ditur se rasti po vazhdon të hetohet.
(Kosova Sot Online)
