Miroslav Lajçak paralajmëron vazhdimin e dialogut Kosovë-Serbi në fillim të shtatorit

Përfaqësuesi i posaçëm i Bashkimit Evropian në dialogun Kosovë-Serbi, Miroslav Lajçak, ka paralajmëruar vazhdimin e dialogut Kosovë-Serbi në fillim të muajit shtator.

Këtë lajm Lajçak e ka bërë të ditur përmes një postimi në Twitter ku ka shkruar se ka biseduar me zëvendëskryministrin e Kosovës, Besnik Bislimi dhe Drejtorin e Zyrës për Kosovën në Qeverinë e Serbisë, Petar Petkoviç për përgatitjet e takimit të radhës në nivel kryenegociatorësh.

Lexoni edhe:

Paraburgim për 3 persona në Prizren, dyshohet se lëshuan teste COVID negativ të falsifikuara

“Sot, kam pasur diskutime thelbësore të veçanta me Zëvendëskryeministrin e Parë të Kosovës, Besnik Bislimi, dhe me Drejtorin e zyrës serbe për Kosovën, Petar Petkoviç, në lidhje me përgatitjet për takimin e ardhshëm të dialogut në nivel kryenegociatorësh në fillim të shtatorit”, shkruan Lajçak.

Takimi i fundit mes Kurtit dhe Vuçic-it është mbajtur në muajin korrik.

Agjenda e propozuar nga Kurti me katër pika, mes të cilave ishte dhe një marrëveshje paqeje mes Kosovës dhe Serbisë, nuk gjeti mirëkuptimin e presidentit të Serbisë.

Dialogu midis Kosovës dhe Serbisë ka nisur në vitin 2011 dhe asociacioni mbetet çështja kyçe e negociatave.

Kosova kundërshton krijimin e asociacionit me kompetenca ekzekutive, ndërsa Serbia kërkon zbatimin e marrëveshjeve të firmosura më herët.

Today, I had substantive separate discussions with First Deputy Prime Minister of Kosovo, Besnik Bislimi, and with the Director of the Serbian office for Kosovo, Petar Petkovic, about the preparations for the next Dialogue meeting on Chief negotiators-level in early September.

— Miroslav Lajčák (@MiroslavLajcak) August 26, 2021

(Kosova Sot Online)