Kryeministri Kurti: E kemi gjetur Ministrinë e Bujqësisë me 40 milionë euro obligime financiare

  • E.K /
  • 29 October 2021 - 10:26
Kryeministri Kurti: E kemi gjetur Ministrinë e Bujqësisë me 40 milionë euro obligime financiare

Kryeministri i Kosovës Albin Kurti bashkë me Ministrin e Bujqësisë, Pylltarisë dhe Zhvillimit Rural, Faton Peci, sot kanë dalë një konferencë për medie, e cila aktualisht edhe po mbahet.

Me këtë rast, Kurti ka thënë se sektori i bujqësisë dhe pylltarisë është i një rëndësie të veçantë për Republikën e Kosovës.

“Në përputhje me programin tonë qeverisësë po angazhohemi për nxitje të investimeve në kapacitete të reja prodhuese.

Ministria e Bujqësisë po ndërton vendosjen e rregullave dhe kritereve për përkrahjen me subvencione.

Ministrinë e kemi gjetur me 40 milionë borxhe karshi fermerëve. Vitin e ardhshëm do të rritet mbështetja në 11 milionë euro për fermerët.

Qeveria është në anën e prodhuesve”, tha ai.

Ndërkaq Faton Peci ka thënë se ky vit kalendarik ka përkrahjen më të madhe për subvencione, në vlerë 50 milionë euro.

“Vetëm pas tetë muaj qeverisje duhej të adresonim rreth 40 milionë euro obligime për subvencione.

Arritëm që të mundësonim shpalljen e re me mbështetje të Qeverisë programin për pagesa direkte për vitin 2021 në vlerë 21 milionë euro shtesë.

Duke bërë këtë vit, vitin më të madh me përpkrahje financiare në vlerë 50 milionë euro për subvencione”, tha ai.

(Kosova Sot Online)