Von der Layen takon Dua Lipën: Ke ndikim kaq të madh në botë
Presidentja e Komisionit Evropian, Ursula Von der Layen është takuar me këngëtaren e njohur shqiptare Dua Lipa në Këshillin e Atlantikut.
Presidentja e KE-së ka ndarë edhe një fotografi nga takimi me yllin e muzikës botërore, teksa shkroi se është e lumtur që e takoi atë.
“E lumtur që e takova @DUALIPA në @AtlanticCouncil, Çmimet e lidershipit. Dua, ti ke një ndikim kaq të madh në botë”, ka shkruar ajo në një postim në “Twitter”.
So happy to meet @DUALIPA at the @AtlanticCouncil Leadership Awards.
— Ursula von der Leyen (@vonderleyen) November 11, 2021
Dua, you have such a great impact on the world.
With your music and your unique energy, we are all “levitating” pic.twitter.com/xPemFfywd6
Këngëtarja e njohur shqiptare me famë botërore, Dua Lipa, është nderuar nga Këshilli i Atlantikut me Çmimin për Udhëheqësi të Dalluar Artistike.
Në faqen zyrtare të Këshillit të Atlantikut thuhet se Lipa është nderuar për zotimin e saj për një varg kauzash së filantropisë, përfshirë fuqizimin e gjeneratës së ardhshme të udhëheqësve e muzikantëve të Ballkanit.
“A nuk do të ishte e duhur që Kosova ta marrë vendin e saj, të lulëzojë ekonomikisht krahas fqinjëve tanë dhe t’i shërojë plagët e konfliktit? Me këtë vizion në mendje, e pranoj këtë çmim me mirënjohje për të gjithë rininë e Kosovës”, tha Dua Lipa në ceremoninë e pranimit të çmimit.
"Wouldn’t it be fitting if Kosovo could take its place within that peaceful union, thrive economically alongside our neighbors, and heal the hurt of conflict? With that vision in mind, I accept this award with gratitude for all the young people of Kosovo." - @DUALIPA #ACawards pic.twitter.com/TCyT1B9Vzp
— Atlantic Council (@AtlanticCouncil) November 11, 2021
Në ceremoni ishte e pranishme edhe Presidentja e Republikës së Kosovës, zonja Vjosa Osmani-Sadriu, e cila mbajti një fjalë rasti.
(Kosova Sot Online)