Tre persona të lënduar nga aksidenti mes tri veturave në magjistralen Prishtinë-Mitrovicë

Tre persona janë lënduar si pasojë e një aksidenti që ka ndodhur mes tri veturave në fshatin Mazgit në magjistralen Prishtinë-Mitrovicë.

Një lexues tha se nga ky aksident u krijuan kolona të gjata në magjistrale.

Lajmin e ka konfirmuar edhe zëdhënësja e Policisë së Kosovës për rajonin e Prishtinës, Flora Ahmeti, e cila tha se aksidenti ka ndodhur rreth orës 17:40.

“Sot rreth orës 17:40 në rrugën Prishtinë-Mitrovicë (fshati Mazgit), ka ndodhur një aksident trafiku, në mes të tri automjeteve në levizje. Si pasojë e aksidentit, janë lënduar tre persona. Personat e lënduar janë dërguar për tretman mjekësor, ndërkohë që njësiti i trafikut po merret me rastin”, tha Ahmeti.

(Kosova Sot Online)