Lexoni edhe:
Partitë politike nuk japin raporte reale financiare, pa sanksionim më të ashpër të masave ligjore
Tmerrohet një person, thotë se gjeti një foshnjë në frigorifer për ngrirje të thellë
Një 23-vjeçar nga Anglia ka thënë se ka gjetur një foshnjë të vdekur në një qese plastike, të vendosur në frigoriferin për ngrirje të thellë në shtëpinë e fqinjëve.
Darnell Jackson shkoi në shtëpinë e dyshimtë në South Yorkshire, pasi partnerja e tij i tha se ka parë një foshnjë të vdekur aty, shkruan Daily Mail.
Policia u thirr pas pak në vendin e ngjarjes dhe, fatkeqësisht, foshnja u shpall e vdekur po aty. Dy gra, 17 dhe 45-vjeçare, janë arrestuar nën dyshimin për vrasje dhe po mbahen në ndalim policor.
“Mendova se (partnerja) po e thoshte të vërtetën, por m’u desh të shkoja dhe ta shihja vetë. Carol më tha se atje është një foshnjë e vdekur. Ajo ishte në telefon me policinë dhe mua m’u desh të kaloj në dhomën e parë të ndejës. Eca nëpër dhomën e dytë dhe e pashë qesen plastike, që ishte larguar nga frigoriferi me ngrirje të thellë”, rrëfeu i riu.
“Thjesht e kapa qesen për ta shikuar dhe menjëherë vërejta se ishte një foshnjë e vdekur, pasi Carol dhe unë sapo ishim bërë me foshnjën tonë, prandaj e dita se nuk ka dyshime në mendjen time”, shtoi ai.
“Foshnja ishte në pozicionin e fetusit. Mund të shihje se lëkura ishte e ngritë, kishte shumë ngrica në këmbët e foshnjës. Isha i tmerruar dhe pa fjalë. U largova dhe më pas nuk mund të rrija në shtëpi. Piva një cigare në oborr për t’i qetësuar nervat. U ndjeva fizikisht i sëmurë dhe prita që të vinte policia”, tha më tej anglezi që e gjeti foshnjën.
Policia ka kërkuar nga publiku që ta shmangin zonën dhe të mos ketë spekulime për rrethanat e vdekjes së foshnjës. Autoritetet gjithashtu publikuan një numër telefoni për ata që mund të kenë informata rreth rastit tragjik.
(Kosova Sot Online)
