Aksident i rëndë në Leqinë të Skenderajt

  • E.K /
  • 15 janar 2022 - 09:50
Aksident i rëndë në Leqinë të Skenderajt

Një aksident i rëndë trafiku ka ndodhur mbrëmë në fshatin Leqinë të Skenderajt.

Policia e Kosovës ka bërë të ditur se një veturë me targa vendore të cilën e drejtonte një mashkull kosovar, si pasojë e mospërshtatjes së shpejtësisë së lëvizjes kushteve të rrugës ka dalë nga rruga dhe është rrokullisur.

Si pasojë e aksidentit lëndime trupore ka pësuar drejtuesi i veturës si dhe tre meshkuj kosovarë, pasagjer në veturë.

Të lënduarit janë dërguar në trajtim mjekësor.

(Kosova Sot Online)