Lexoni edhe:
Qeveria duhet t’i tregoj Serbise se “nenshtrimi” 13 vjeqar ka vdekur!
Estonia, Letonia dhe Lituania kanë njoftuar se do t’i ofrojnë Ukrainës raketa kundërajrore dhe anti-tank për ta ndihmuar këtë shtet në rast të hyrjes së mundshme të trupave ruse në territorin e saj.
“Duke e marrë parasysh rritjen e presionit ushtarak të Rusisë në Ukrainë dhe rreth saj, Shtetet Baltike kanë vendosur që t’u përgjigjen nevojave të Ukrainës dhe të ofrojnë asistencë shtesë në fushën e mbrojtjes”, thuhet në deklaratën e përbashkët të tri anëtareve të NATO-s. “Kjo ndihmë do ta forcojë më tej aftësinë e Ukrainës për t’i mbrojtur territorin dhe popullsinë e vet në rast të një agresioni të mundshëm rus”, thuhet më tej në deklaratë.
Qeveria duhet t’i tregoj Serbise se “nenshtrimi” 13 vjeqar ka vdekur!Lexoni edhe:
Agjencia “Reuters”, duke cituar tri burime të afërta me situatën, ka raportuar se tri shtetet baltike më herët këtë javë e kanë marrë dritën e gjelbër nga Shtetet e Bashkuara për dërgimin e këtyre armëve në Ukrainë, shkruan Free Europe.
Estonia do të dërgojë raketa anti-tank “Javelin”, ndërsa Letonia dhe Lituania do të dërgojnë raketa kundërajrore “Stinger”.
Njoftimi për këtë veprim vjen në kohën e tensioneve të larta mes NATO-s e Rusisë. Shtetet e Bashkuara dhe NATO-ja kanë zhvilluar bisedime me Rusinë javën e kaluar, por përpjekjet diplomatike deri tash kanë dështuar që t’i ulin tensionet.
(Kosova Sot Online )