A duhet NATO të hyjë në konflikt me Rusinë, ministri i Jashtëm letonez: Duhet t’i konsiderojmë të gjitha opsionet

Ministri i Jashtëm i Letonisë ka thënë se NATO duhet t’i konsiderojë të gjitha opsionet kur është pyetur nëse aleanca veriatlantike duhet të hyjë në konflikt direkt me Rusinë.

Kryediplomati Edgars Rinkevics i tha BBC-së se qeveritë “nuk duhet të përjashtojnë” asnjë mjet për të ndaluar pushtimin rus mbi Ukrainë,shkruan The Guardian.

Lexoni edhe:

Rusia merr kontrollin e centralit bërthamor pas sulmit

“Mendoj se duhet t’i shqyrtojmë të gjitha opsionet, por gjithashtu duhet të kuptojmë, le të themi, disa politika të NATO-s mund të zbatohen vetëm nëse ato vende që kanë asetet e nevojshme bien dakord për këtë”, tha ai.

Ish-kryeministri ukrainas Oleksiy Honcharuk, poashtu në BBC tha se vendet e tjera evropiane “nuk e kuptojnë” deri ku do të shkojë Putin.

Ai tha se udhëheqësit nga vendet e tjera duhet të ofrojnë mbështetje të drejtpërdrejtë ushtarake dhe “të paktën të mbyllin qiejt tanë për të na mbrojtur nga kërcënimi”.

(Kosova Sot Online)