Lexoni edhe:
Pa neutralizimin e politikës hegjemoniste serbe nuk ka paqe të qëndrueshme dhe stabilitet në Ballkan
A di Komandantja Supreme e Kosovës të përdorë armë?
Presidentja e Kosovës, Vjosa Osmani, e cila njëkohësisht është edhe Komandante Supreme e Forcave të Sigurisë së Kosovës, sot ka vizituar FKS-në dhe është pritur në takim nga Komandanti i Focave, Bashkim Jashari.
Gjatë prononcimit për media, Osmani është pyetur nëse di të përdorë armët dhe përgjigjja e saj ishte për kompetencat që ka ajo në postin e Komandantes Supreme.
“Siç e dini Komandantja Supreme apo presidentja e Republikës në këtë rast ka kompentenca të qarta kushtetuese sa i përket përcaktimit të politikave të mbrojtjes së politikës së Kosovës. Kapaciteti për të determinuar politikat mbrojtëse të një vendi asnjëherë nuk është përcaktuar dhe nuk do të përcaktohen në histori të shteteve nga aftësia për të përdorur armët”.
“Për të përdorur armët e kemi ushtrinë tonë”, tha ajo derisa drejtoi dorën kah Jashari. “Për të ndërtuar politikat e mbrojtjes, në bashkëpunim me ushtrinë dhe institucionet e tjera, e keni komandanten supreme”, vazhdoi ajo.
(Kosova Sot Online)
