”Skandal, refuzim paranoik nga pushteti i Kurtit”, Abdixhiku reagon pas anulimit të Sunny Hill në Prishtinë
Kryetari i LDK’së, Lumir Abdixhiku, ka reaguar pas zhvendosjes së festivalit Sunny Hill nga Prishtina në Tiranë. Abdixhiku ka fajësuar qeverinë e Kosovës, e cila sipas tij, “i dha goditjen më të rëndë të mundshme jetës kulturore në Prishtinë e Kosovë”.
“Detyrimi për largim i festivalit “Sunny Hill”, ngjarjes që vendoste Kosovën në hartën kulturore botërore, është skandal i pariparueshëm për vendin tonë”, shkruan Abdixhiku në llogarinë e tij në Facebook.
Thotë se qeveria doli kundër vendimit të qeverisjes së LDK’së në kryeqytet për mbajtjen e këtij festivali.
(Kosova Sot Online)