Lexoni edhe:
Zbardhet filli i faqes së zezë në Prokurorinë e Kosovës, rasti i ish prokurorit të speciales do të " harrohet" vetëm kur të fillohet me veprimet tjera
Meta kritikon Ramën rreth politikës së tij ndaj Kosovës
Ilir Meta rimori teserën e Lëvizjes Socialiste për Integrim, forcë politike që e themeloi në 6 shtator 2004.
Zoti Meta u paraqit në selinë e LSI-së më pak se 15 orë nga ceremonia dorëzim-pranimit të detyrës së presidentit ku ia la vendin pasardhësit të tij Bajram Begaj.
Ish-presidenti tha se Shqiëpria ka nevojë të përballet me referendumin për çdo çështje që përshpejton eurointegrimin dhe se politikat e qeverisë së kryeministrit Edi Rama i kanë ngulur thikë Kosovës.
“Referendumi do të jetë shpata e Demokleut mbi të gjithë kleptokratët, Esat Pashët e rinj të këtij vendi që ngulin thika pas shpine edhe shtetësisë së Kosovës dhe interesave të Kosovës”-tha ai.
Zoti Meta tha se teserën e LSI-së e rimori pa saktësuar nëse do të rikthehet në krye të saj ndërsa pasdite mbahet Konventa Kombëtare.
“Kisha pak nostalgji për dokumentin e LSI-së dhe jam krenar që në vitin 2004 krijova një force politike për të shpëtuar integrimin e Shqipërisë që mbahet peng nga PS. Falë angazhimit të LSI u bë rotacioni u kleptokracia humbi dhe në vitin 2006 Shqipëria firmosi marrëveshjen e stabilizim asocimit që Mali i Zi dhe Serbia i firmosën më pas. Por ata i kanë çelur negociata. Ne në pamundësi për t’i shtyrë edhe më tej nga regjimi kleptokratik i hapëm tani dhe shkarkuam kryenegociatorin pa nisur akoma negociata duke treguar përkushtimin e atyre që urrejnë BE, zgjedhjet, konkurrencën, pluralizmin median e lirë dhe të pavarur”, – tha zoti Meta.
(Kosova Sot Online)
