Lexoni edhe:
Gjashtë muaj të rezistencës, qëndrueshmërisë dhe vendosmërisë së Ukrainës
Mbi 26 komuna të Kosovës, dje ngritën padi kundër Ministrisë së Arsimit dhe asaj të Shëndetësisë, për shkak të dëmit që i janë shkaktuar nga zbatimi i kontratës kolektive në sektorin e arsimit.
Për këtë çështje sot ka reaguar ministrja e Arsimit, Arbërie Nagavci, e cila tha se për këtë padi është informuar nga mediat.
Gjashtë muaj të rezistencës, qëndrueshmërisë dhe vendosmërisë së UkrainësLexoni edhe:
Ajo tha se prej vitit 2014 janë nënshkruar tri kontrata kolektive mes MASHTI dhe SBASHK, mirëpo, sipas saj, asnjëra prej tyre nuk është nënshkruar nga qeverisa e VV-së.
“Prej vitit 2014 janë nënshkruar tri kontrata kolektive në mes të MASHTI dhe SBASHK, të trija në prag të procesit zgjedhor dhe asnjëra prej tyre nga qeverisja e LVV. Për asnjërën nga këto kontrata kolektive nuk është bërë vlerësimi i ndikimit financiar dhe asnjëra prej tyre nuk është regjistruar në Ministrinë e Punës, siç parasheh legjislacioni në fuqi”, ka shkruar Nagavci në Facebook.
Ministrja Nagavci tregoi se edhe kush i ka nënshkruar këto kontrata.
“Për sqarim kontrata e parë në vitin 2014 është nënshkruar në mes të ish-ministrit të Arsimit, Ramë Buja dhe kryetarit të SBASHK-ut, Rrahman Jasharaj. Atë kohë, ishte Qeveria PDK-LDK kurse ministër i Financave, Bedri Hamza. Kontrata e dytë e vitit 2017, nënshkrues të kontratës kanë qenë ish-ministri i Arsimit, Arsim Bajrami dhe kryetari i SBASHK-ut, Rrahman Jasharaj. Atëkohë ka qenë Qeveria PDK-LDK kurse ministër i Financave, Avdullah Hoti. Kontrata e tretë e vitit 2021. Nënshkrues të kontratës kanë qenë ish-ministri i Arsimit, Ramë Likaj dhe kryetari i SBASHK-ut, Rrahman Jasharaj. Ka qenë Qeveria PAN m( PDK-AAK-NISMA) dhe ministre e Financave, Hykmete Bajrami”, ka thënë e para e Arsimit.
Ajo tha se po ballafaqohen me pasojat e veprimeve të pararendësve dhe se nuk do të lejojnë “zhvatjen e buxhetit të shtetit e asgjë tjetër që bjen ndesh me ligjin”.
“Si Qeveri e Republikës së Kosovës po ballafaqohemi me pasojat e veprimeve të pararendësve tanë, por nuk do të lejojmë as zhvatjen e buxhetit të shtetit e asgjë tjetër që bjen ndesh me ligjin”, ka shkruar Nagavci.
(Kosova Sot Online)