Samiti i Ministrave dhe Guvernatorëve në Mal të Zi, Mehmeti refuzon pjesëmarrjen

Në Mal të Zi nga sot ka nisur samiti i Ministrave të Financave dhe Guvernatorëve. Media merr vesh se atje ka refuzuar të udhëtojë   Guvernatori i BQK’së Fehmi Mehmeti pasi Kosovës ftesa i është bërë me fusnotë.  Nuk dihet nëse ka pasur ftesë edhe për Ministrin e Financave të Kosovës Hekuran Murati, i cili sot është parë në seancën e Kuvendit. Ky Samit që po mbahet në bregdetin malazez organizohet nga Shoqata e ekonmistëve të Serbisë.

Guvernatori i Bankës Qendrore të Kosovës (BQK), Fehmi Mehmeti, ka refuzuar të marrë pjesë në Samitin e Beçiqit që po mbahet në Malin e Zi.

Lexoni edhe:

U pyet për sulmin ndaj Kuvendit të Kosovës, Haxhiu: Kishte përpjekje që të ndaloheshin dy projekte të dëmshme

Kjo pasi Mali i Zi synonte që Kosovën ta prezantonte me fusnotë, thonë burimet.

Samiti ka filluar sot dhe do të vazhdojë deri më 1 tetor.

Mali i Zi nuk ka deklaruar publikisht që do ta paraqesë Kosovën me fusnotë.

Fusnota përdoret për ta paraqitur mosnjohjen e pavarësisë së Kosovës nga ana e Serbisë dhe pesë shteteve anëtare të BE’së

Disa media të rajonit që kanë raportuar për ngjarjen nuk e kanë përfshirë Kosovën si pjesëmarrëse. Thuhet se atje do të shkojnë ekspertë nga Serbia, mali i Zu, Shqipëria, Maqedonia e Veriut, Kroacia, Sllovenia, Bosnja e Herecegovia dhe përfaqësues të FMN’së dhe Bankës Europiane për Investime.

Burimet tregojnë se në BQK ekziston ftesa e pranuar nga organizatoret e samitit.

Në njoftimin e këtij samiti thuhet se Shoqata e Ekonomistëve të Serbisë (SES) ka qenë organizatore.

Aty pos guvernatorëve të vendeve të Ballkanit Perëndimor janë të ftuar edhe ministrat e financave dhe drejtorët e administratave tatimore.

Si temë e diskutimit do të jetë përballja me inflacionit si rezultat i zhvillimeve shëndetësore dhe politike në botë.

(Kosova Sot Online)