Presidentja Osmani në Bondsteel: Populli i Kosovës është falënderues
Sot në kampin ushtarak amerikan në Kosovë Bondsteel, ka shkuar për drekë presidentja Vjosa Osmani, transmeton gazeta “Kosova Sot Online”.
Vizita e Osmanit në Bondsteel u bë për Ditën e Falënderimeve, që festohet në Shtetet e Bashkuara të Amerikës.
Ajo e shfrytëzoi këtë rast për t’i thurur falënderimet amerikanëve.
“Në kampin Bondsteel, ne iu bashkuam ushtarëve amerikanë për një drekë speciale të Ditës së Falenderimeve. Populli i Kosovës është falënderues për shërbimin vetëmohues, mbështetjen dhe ndihmën e cdo amerikani që ka shërbyer në shtetin tonë dhe përkrah nesh, përgjatë viteve. Lidhja jonë ëshë më e fortë se kurrë” , ka shkruar Presidentja.
(Kosova Sot Online)