Albin Kurti mirëpret vendimin për vizat

E.K /
30 November 2022 - 14:13

Kryeministri i Kosovës, Albin Kurti, ka mirëpritur vendimin e ambasadorëve të vendeve anëtare të BE’së që ranë dakord sot për t’i dhënë mandatin Këshillit Europian për procesin e liberalizimit të vizave për Kosovën.

Kurti ka thënë se mezi pret finalizimin e këtij procesi, transmeton "Kosova Sot Online".

“E mirëpres vendimin e sotëm të rëndësishëm dhe të vonuar nga COREPER për liberalizimin e vizave për Kosovën, një mirënjohje e përkushtimit tonë për sundimin e ligjit, luftimin e korrupsionit, forcimin e kontrolleve kufitare dhe menaxhimin e migracionit. Mirënjohës ndaj Presidencës çeke dhe mezi pres finalizimin e këtij procesi”.

I welcome today's important & overdue decision by COREPER on visa lib. for Kosova, an acknowledgement of our commitment to rule of law, fighting corruption, strengthening border controls & managing migration. Thankful to @EU2022_CZ & look fwd to the finalization of this process.
— Albin Kurti (@albinkurti) November 30, 2022