Gruaja shtatzënë vritet nga burri i saj në Qendrën Klinike Universitare të Kosovës
Para objektit të Gjinekologjisë në Qendrën Klinike Universitare të Kosovës, një person raportohet se ka vrarë bashkëshorten e tij, transmeton gazeta “Kosova Sot Online”.
Mbi 7 vetura të Policisë janë në vendin e ngjarjes, derisa patrullat e Policisë po shtohen.
Lajmin e ka konfirmuar Policia e Kosovës.
Zëdhënësja e Policisë së Kosovës për rajonin e Prishtinës, Flora Ahmeti tha se dyshimet e para sugjerojnë së bëhet fjalë për vrasje.
“Rreth orës 18:00, kemi pranuar informatën për një trup të pajetë, në oborrin e QKUK-së në Prishtinë. Policia menjëherë ka dalë në vendin e ngjarjes si dhe ekipi mjekësor të cilët kanë konstatuar vdekjen e viktimës, femër, rreth 35 vjeç. Mbështetur në informacionet e para, dyshimet e ngritura sugjerojnë se bëhet fjalë për vrasje.
(Kosova Sot Online)