Azilkërkuesit po përballen me shkelje 'të tmerrshme' të të drejtave në kufijtë e BE-së

Mijëra emigrantë dhe azilkërkues janë rrahur, poshtëruar dhe arrestuar arbitrarisht në kufijtë e jashtëm të BE-së përpara se të shtyheshin ilegalisht, zbuloi një raport i ri nga një grup organizatash për të drejtat e njeriut, transmeton gazeta “Kosova Sot Online”

Rrjeti i Monitorimit të Dhunës Kufitare publikoi të enjten një raport që dokumenton qindra raste, në të cilat rojet kufitare evropiane përdorën "taktika të tmerrshme" për të larguar refugjatët, duke përfshirë gra dhe fëmijë.

Sipas raportit, këto taktika përfshinin "rrahje ekstreme dhe të zgjatura, rruajtje të kokës, zhveshje të detyruar, sulme seksuale, sulme me qen, trajtime mjekësore jokonsensuale dhe sulme me armë me shkarkim elektrik".

Raporti "Black Book of Pushbacks 2022" përfshinte dëshmitë e më shumë se 700 emigrantëve, të cilët u përballën me trajtim degradues, abuzim ose torturë ndërsa përpiqeshin të kalonin kufijtë e jashtëm të Bashkimit Evropian në dy vitet e fundit.

Sipas raportit, mbledhja e dëshmive hedh dritë mbi shkeljet e të drejtave të njeriut me të cilat përballen më shumë se 16,000 njerëz në kufijtë e jashtëm të BE-së dhe brenda territorit të shteteve anëtare.

“Ne kemi parë heshtjen e Komisionit të BE-së, pavarësisht thirrjes sonë të vazhdueshme që ata të veprojnë kundër këtyre ligjeve”, thuhet në raport.

(Kosova Sot Online)