Fillon protesta e serbëve përtej kufirit
Protesta e thirrur për sot nga qytetarët serbë, ka filluar, transmeton gazeta “Kosova Sot Online".
Deri më tani janë grumbulluar dhjetëra qytetarë matanë kufirit në Jarinjë.
Në mesin e këtyre protestuesve ka edhe persona të maskuar.
Protestuesit janë ndaluar nga një kordon i policisë serbe, ndërsa në anën e Kosovës janë prezentë trupat e KFOR-it.
Grupe djathtiste serbe duke protestuar në Jarinjë.
Barrikadat janë ngritur më 10 dhjetor në këtë pjesë të Kosovës, si shenjë pakënaqësie ndaj arrestimit të ish-zyrtarit serb të Policisë së Kosovës, Dejan Pantiq.
(Kosova Sot Online)