Ja çfarë ndihme pret Kurti nga Austria

  • A.P /
  • 12 January 2023 - 22:00
Ja çfarë ndihme pret Kurti nga Austria

Kancelari i Austrisë, Karl Nehammer do të interesohet personalisht që t’i ndihmojë Kosovës për marrjen e statusit të vendit kandidat në BE dhe në anëtarësimin në Këshillin e Evropës, ka theksuar kryeministri i Kosovës, Albin Kurti, transmeton gazeta "Kosova Sot Online".

Kurti thotë se pret që Austria t’i ndihmojë Kosovës për të afirmuar pavarësinë e Kosovës në arenën ndërkombëtare, dhe në kundërvënien ndaj propagandës së Beogradit kundër pavarësisë së Kosovës.

“Kancelari Nehammer do të interesohet edhe personalisht që të na ndihmojë me ndonjë zë skeptik aty, unë jam shumë optimist dhe në të njëjtën kohë ne mbajmë shumë shpesh takime të ndryshme në Vjenë. Besoj që edhe për ballkanin tonë, Austria do të mund të ndihmojë më shumë. Austria është vendi që historikisht nga Evropa e njeh më së miri rajonin tonë, andaj edhe ne presim që në BE dhe në forumet ndërkombëtare botërore, Austria të na mbështet rregullisht, për të afirmuar pavarësinë e Kosovës në arenën ndërkombëtare kur dihet që Austria na ka njohur neve edhe para shpalljes edhe pas saj, por kjo do të ndihmojë edhe në kundërvënien ndaj propagandës së Beogradit kundër pavarësisë së Kosovës”, tha Kurti.

(Kosova Sot Online)