Lexoni edhe:
Gazetari i BILD: Do zbulohen detaje të reja nga skandali Rama-McGonigal
Pas bisedës Chollet-Kurti për propozimin franko-gjerman reagon Ambasadori amerikan Jeff Hovenier
Ambasadori i Shteteve të Bashkuara të Amerikës në Prishtinë, Jeff Hovenier ka reaguar pas telefonatës që ka zhvilluar këshilltari special i Antony Blinken, Derek Chollet me kryeministrin Albin Kurti për vendimin e Kosovës që ta pranojë propozimin franko-gjerman, shkruan "Kosova Sot Online ".
Hovenier ka thënë se SHBA-ja do të mbështes plotësisht hapat e radhës sa i përket propozimit të Bashkimit Evropian për normalizimin e raporteve në mes të Kosovës dhe Serbisë.
Diplomati amerikan thotë se ky progres është i rëndësishëm për Kosovën derisa SHBA-ja mbështet integrimin e saj të plotë në strukturat euro-atlantike dhe ndërkombëtare.
“Ky progres është i rëndësishëm për Kosovën derisa ne mbështesim integrimin e saj të plotë në strukturat euroatlantike dhe ndërkombëtare”, ka thënë Hovenier duke komentuar bisedën Chollet-Kurti.
(Kosova Sot Online )
