Kurti takohet me Antonio Tajanin
Me zëvendëskryeministrin që është edhe kryediplomat italian, Antonio Tajani, është takuar sot kryeministri i Kosovës, Albin Kurti, transmeton gazeta “Kosova Sot Online”.
Kurti ka shkruar në Twitter se e ka falënderuar për përpjekjet e tij për promovimin e integrimit evropian për Ballkanin Perëndimor.
“E falënderova për përpjekjet e tij në promovimin e integrimit evropian për Ballkanin Perëndimor dhe diskutuam mënyrat e thellimit të marrëdhënieve tona ekonomike, përfshirë Forumin e ardhshëm Ekonomik Italian të këtij viti në Kosovë”, ka deklaruar Kurti.
(Kosova Sot Online)
