Borell: Procesi i dialogut është në një moment vendimtar

Sot në seancën e Këshillit të Sigurimit të OKB-së për propozimin franko-gjerman dhe për dialogun në mes të Kosovës dhe Serbisë, ka folur përfaqësuesi i Lartë i BE-së, Josep Borell, transmeton gazeta “Kosova Sot Online”.

Borell ka thënë se aktualisht procesi i dialogut është në një moment vendimtar me Brukselin që ka paraqitur një propozim që sipas tij vendos procesin “në një rrugë të qëndrueshme dhe largpamëse”.

Shefi i diplomacisë së BE-së ka thënë se do të takohet me Kurtin dhe Vuçiqin në Bruksel gjatë javës që po vjen dhe se shpreson që të dy të angazhohen në mënyrë konstruktive për ta shfrytëzuar mundësinë që është duke iu dhënë.

“Unë do të pres të dyja palët në Bruksel javën e ardhshme dhe shpresoj që ata të angazhohen në mënyrë konstruktive dhe të shfrytëzojnë këtë mundësi unike”, ka thënë Borell.

(Kosova Sot Online)