Haziri: Nëse krijohet Asociacioni pa njohjen nga Serbia i bie që Kosova po jep gjithçka

Nëse krijohet asociacioni pa e marrë njohjen nga Serbia, “i bie që Kosova po jep gjithçka për kurrgjë”,  ka thënë nënkryetari i Lidhjes Demokratike të Kosovës, Lutfi Haziri, transmeton gazeta “Kosova Sot Online”.

“Nëse krijohet Asociacioni pa njohjen nga Serbia, atëherë i bie që Kosova po jep gjithçka, për kurrgjë. Në këtë mënyrë, Kosova ka me dalë ‘e lënduar’ prej procesit”, ka shkruar Haziri.

Ndër të tjerash, Haziri ka thënë se nesër Kurti do ta ketë ditën për të dëshmuar se cili Kurt do të jetë në funksion – “Kurti opozitar, kryeministër e kundërshtues apo Kurti pranues e ndarës de jure i një pjesë të Kosovës”.

“Pyetja se a po kalon ‘Zajednica’ tashmë është evidente në kuadër të planit franko-gjerman, duke e pasur kryeministër politikanin më jokonsistent në qëndrime që ka pasur Kosova. Do ta këtë nesër ditën për të dëshmuar se cili Kurti do të jetë në funksion – Kurti opozitar, kryeministër e kundërshtues apo Kurti pranues e ndarës de jure i një pjesë të Kosovës.”

(Kosova Sot Online)