Putin e nderon me titull Steven Seagalin
Presidenti rus Vladimir Putin ka nënshkruar një dekret për të nderuar aktorin e njohur amerikan, Steven Seagal me Urdhrin Shtetëror të Miqësisë.
Sipas dekretit, Seagal vlerësohet për “kontributin e madh në zhvillimin e bashkëpunimit ndërkombëtar kulturor dhe humanitar”.
Seagal ka qenë një vizitor i rregullt në Rusi dhe u bë shtetas i vendit në vitin 2016, kur mori një pasaportë ruse nga Vladimir Putin personalisht.
Ai ka punuar gjithashtu si “përfaqësues special” i Ministrisë së Jashtme ruse në Shtetet e Bashkuara dhe Japoni.
Ish-heroi i aksionit mbështeti aneksimin e paligjshëm të Krimesë nga Rusia dhe ka mbështetur pushtimin e saj në Ukrainë. Ai vizitoi zonën e pushtuar të Donbasit verën e kaluar.
Në një intervistë në televizionin rus vitin e kaluar ai foli për një kërcënim ekzistencial ndaj Rusisë nga Ukraina.
(Kosova Sot Online)
