Osmani: Nuk mund të ketë paqe e stabilitet pa drejtësi për krimet që ka bërë Serbia në Kosovë

Presidentja e Kosovës, Vjosa Osmani, ka përkujtuar 24-vjetorin e masakrave nga regjimi gjenocidal i Serbisë, në të cilat u vranë 75 civilë në Celinë, 68 në Fortesë dhe 49 në Brestoc të Rahovecit, shkruan “Kosova Sot Online”

Osmani tha se nuk mund të ketë paqe e stabilitet pa drejtësi për krimet që ka bërë Serbia kudo në Kosovë.

Osmani ka shtuar se sjellja e kriminelëve para drejtësisë është përpjekje e jona e çdoditshme.

Deklarata e plotë e Presidentes Osmani:

Sot bëhen 24-vjet që kur forcat e regjimit gjenocidal të Serbisë vranë 75 civilë në Celinë, 68 në Fortesë dhe 49 në Brestoc të Rahovecit.

Në këtë ditë në mbrojtje të popullsisë civile, ranë edhe pesë dëshmorë të UÇK-së.

Në këtë përvjetor, e kujtojmë secilin civil që ra për lirinë e vendit dhe të gjithë dëshmorët e UÇK-së që e bën të mundshme lirinë tonë.

Nuk mund të ketë paqe e stabilitet pa drejtësi për krimet që ka bërë Serbia kudo në Kosovë.

Sjellja e kriminelëve para drejtësisë është përpjekje e jona e çdoditshme.

Qoftë i përhershëm kujtimi për civilët dhe dëshmorët!.

(Kosova Sot Online)