Aksident në Istog, vdes 45 vjeçari
Si pasojë e një vetaksidenti që ka ndodhur sonte në fshatin Bajicë të Istogut, një 45-vjeçar ka vdekur, transmeton gazeta "Kosova Sot Online".
Lajmin e ka konfirmuar zëdhënësi i policisë për rajonin e Pejës, Fadil Gashi. Gashi tha se viktima është dërguar në Spitalin Rajonal në Pejë ku edhe është konstatuar vdekja nga mjekët.
“Policia e ka bërë shikimin e vendit të ngjarjes dhe është kuptuar se ka të bëjë me vetaksident. Vetura ka dal nga rruga. Me urdhër të prokurorit trupi i pajetë u dërgua për obduksion”, tha Gashi.
Sot gjithashtu në fshatin Shipashnicë të Kamenicës ka ndodhur edhe një vetaksident.
(Kosova Sot Online)