Brenda 3 ditësh vodhën 2 herë të njëjtën banesë, arrestohen dy persona
Dy persona janë arrestuar nga policia e Tiranës, pasi akuzohen se kanë vjedhur dy herë të njëjtën banesë, përcjell “Kosova Sot Online”.
Sipas policisë, dy të rinjtë kanë vjedhur bizhuteri të ndryshme floriri dhe shumën 1 000 000 lekë të rinj, në banesën e një shtetasi, në Sharrë.
Në cilësinë e provës materiale u sekuestruan disa prej bizhuterive që dyshohet se janë vjedhur në këtë banesë, si dhe një palë doreza që dyshohet se autorët i kanë përdorur gjatë dy vjedhjeve.
Si rezultat u bë arrestimi i shtetasve L. H., 25 vjeç dhe R. Xh., 22 vjeç, të dy banues në Kombinat, Tiranë.
(Kosova Sot Online)