Lexoni edhe:
Anketa që rrëzon çdo propagandë të Vuçiqit: Vetëm 11% e serbëve do të luftonin për Kosovën
Krasniqi i PDK-së pas takimit me Lajçak e Escobar: Asnjëherë s’kam parë shqetësime të këtij niveli
Kryetari i PDK-së Memli Krasniqi, pas takimit që pati opizita me emisarët Gabriel Escobar dhe Miroslav Lajçak, tha se asnjëherë nuk i ka parë më të shqetësuar partnerët e Kosovës, transmeton "Kosova Sot Online".
“S’ka pasë kërkesa përtej një informimi më të detajshëm për situatën që është zhvilluar, për diskutimet e deritashme, për qëndrimet që vërtet asnjëherë s’kam parë shqetësime të këtij niveli, të kësaj natyre nga ana e partnerëve më të rëndësishëm të Kosovës. Ndjenjë aspak e mirë dhe e lehta që të dëgjosh SHBA-në dhe përfaqësuesin e BE-së duke shprehur zhgënjim kaq të thellë, e cila e ka obligim t’i forcojë raportet tona, jo t’i dëmtojë ato”.
Krasniqi tha se zgjidhja e kësaj situate është përgjegjësi i Qeverisë, derisa kritikoi edhe presidenten Osmani për mbështetje.
“Zgjidhja është Qeveria, përgjegjësitë janë te Qeveria, te presidentja. Populli i ka zgjedhë këta njerëz për t’i zgjidhur problemet, jo për t’i krijuar. Ne kemi vetëm kriza për këto dy vjet të shkaktuara nga kryeministri i Kosovës, të mbështetura nga presidentja. Është e paarsyeshme që presidentja të vazhdojë të heshtë. Ajo ka përgjegjësi dhe mes tjerash është edhe komandante supreme e Ushtrisë së Kosovës dhe përjashtimi i saj nga stërvitja Defender Europe nuk mund të merret me këtë qasje injoruese. Ajo duhet të flasë edhe për shuarjen e ëndrrës së 1000 ushtarëve tanë. Kërkesat janë publike ne i dimë”.
Krasniqi u pyet edhe për mbajtjen e zgjedhjeve që po propozohet nga ndërmjetësit.
“PDK ka luajtur një rol të rëndësishëm gjatë këtyre ditëve, sidomos pas të premtes ku Qeveria pa koordinim, në mënyrë të fshehur ka ndërmarrë veprime që e kanë sjellë këtë situatë, por ne do të jemi në konsultim ditor brenda nesh dhe me kryetarët e Zveçanit dhe Zubin Potokut për të parë se cilat janë veprimet e duhura për të shkuar përpara”.
(Kosova Sot Online )
