Rama: Mesa duket KFOR-i nuk do të dalë me konkluzione publike për vendndodhjen e tre policëve të Kosovës
Kryeministri i Shqipqrisë, Edi Rama, ka reaguar lidhur me rrëmbimin e tre efektivëve të policisë në Kosovë, përcjell “Kosova Sot Online”.
Rama shkruan se policët duhet të kthehen sa më parë në shtëpi.
Rama shtoi se qeveria shqiptare qe nga dita e djeshme është fokusuar tek lirimi i tyre.
Kryeministri Edi Rama në Twitter:
1. Mesa duket KFOR-i nuk do të dalë me konkluzione publike për vendndodhjen e tre policëve të Kosovës.
2. Pavarësisht pretendimeve të ndryshme për vendndodhjen, ata duhet të kthehen sa më parë në shtëpi!
3. Qysh dje ne jemi 100% të fokusuar tek lirimi i tyre!
4. Nuk ka asnjë paralele mes tre policëve dhe personit me precedentë kriminalë të arrestuar nga policia e Kosovës në Veri!
5. De-eskalimi mbetet prioriteti i prioriteteve dhe pikat e vendosura nga bashkësia euro-atlantike duhen përmbushur një orë e më parë.
(Kosova Sot Online)