Plenkoviq: Sa më shpejt të mbahen zgjedhje të reja në komunat me shumicë serbe në veri të Kosovës

Kryeministri i Kroacisë, Andrej Plenkoviq, ka thënë se Kroacia dëshiron shtensionim të situatës në veri të Kosovës, pë rcjell "Kosova Sot Online".

Ai tha se proosia e dytë  është se duan zgjedhje të reja në veri të Kosovës, por ku marrin pjesë edhe serbët e Kosovës.

Ai ka shtuar se zgjedhjet duhet që  të  jenë  të  sigurta.

“Qëndrimi ynë është se duam deeskalim pas të gjitha incidenteve të muajve të fundit, e që nuk ishin pak. Porosia e dytë, duam sa më shpejt të mbahen zgjedhje të reja në komunat me shumicë serbe në veri të Kosovës. Zgjedhjet duhet të jenë të sigurta. Në zgjedhjet e fundit pati bojkot. Unë isha në Podgoricë bisedova me përfaqësuesit e Kosovës, e dëgjova edhe kryeministrin e Kosovës, Albin Kurti. Po ashtu në Vojvodinë bisedova me kryeministren e Serbisë, Ana Bërnabiq. Kam marrë pikëpamjet e të dy liderëve. Ekziston gatishmëria për organizimin e zgjedhjeve, por duhet të jenë gjithëpërfshirëse. Nëse bojkotohen, atëherë do të gjendemi sërish në situatë të njëjtë. Kroacia do paqe, deeskalim e zgjedhje të reja”, ka thënë Plenkoviq, para takimit të Këshillit të BE-së.

(Kosova Sot Online)