Lexoni edhe:
Përparim Rama denoncon MAPL’në dhe Ministrinë e Financave për bllokim të projekteve në Prishtinë
Turi ballkanik i Kryeministrit Rama, sot në Bosnje-Hercegovinë, Mal të Zi dhe Serbi
Sot është dita e dytë e turit ballkanik të kryeministrit Edi Rama, në kuadër të Procesit të Berlinit, transmeton "Kosova Sot Online ".
Pas takimeve të zhvilluara ditën e djeshme me kryeministrin e Maqedonisë së Veriut dhe Presidenten Vjosa Osmani në Kosovë, Rama do të udhëtojë sot për në Bosnje Hercegovinë, ku do të takohet me Borjana Kriston, kryetaren e Këshillit të Ministrave të Bosnjes, ku do të mbajnë edhe një konferencë për shtyp.
Më pas, kryeministri do të pritet nga kryeministri i Malit në Zi, Dritan Abazoviç. Po ashtu do të zhvillojë edhe një takim bilateral me presidentin e Malit të Zi Jakov Milatoviç, parashikuar të mbahet në orën 16:00.
Turi do të përmbyllet në Serbi në një takim me presidentin Aleksandër Vuçiç në orën 19:30 për të vijuar më pas me një konferencë të përbashkët për shtyp.
(Kosova Sot Online )
