Lexoni edhe:
Gjykata merr vendim për të dyshuarit e përfshirë në vrasje dhe plagosje në Bon Vivant
Shpërthen një mjet në një lokal në Ranillugë, Policia jep detaje
Një shpërthim ka ndodhur të shtunën në ora 14:15 në lokalin e quajtur “Kod Maksi” në Ranillugë, transmeton "Kosova Sot Online ".
Policia e Kosovës ka njoftuar për këtë rast, duke treguar se lokali është e serbit me inicialet Z.M.
”Njësitet policore relevante patrulluese, hetues nga Stacioni Policor Ranillugë, hetues rajonal duke përfshirë Krim Teknikën Rajonale dhe Njësia për trajtimin e mjeteve eksplozive i janë përgjigjur rastit”, thuhet në njoftim.
Më tutje thuhet se “nga vendi i ngjarjes është raportuar se nga ky rast lëndime trupore nuk ka pësuar askush përpos disa dëmeve të vogla materiale”.
”Pronari i lokalit nuk është takuar nga policia pasi i njëjti për momentin gjendet në pushime jashtë Republikës së Kosovës. Rrethanat se si ka ndodhur rasti vazhdojnë të hetohen nga Hetues Rajonal të Policisë në koordinim të plotë me Prokurorinë e Shtetit”, përmbyllet njoftimi i Policisë së Kosovës.
(Kosova Sot Online )
