Arrestohet një qytetar në Kaçanik
Në fshatin Gërlicë të Epërme të Kaçanik, sot është arrestuar një person, transmeton gazeta "Kosova Sot Online".
A.P. i moshës 30 vjeçare ishte i kërkuar me urdhëresë të gjykatës për veprat penale “Kanosje” dhe “Dhunë në familje” me dënim burgimi prej tetë muaj e gjysmë.
Pas kompletimit të dokumentacionit, i njëjti është dërguar në vuajtje të dënimit.
Njoftimi i plotë:
Sot, në ora 12:50 në fshatin Gërlic e Epërme të Kaçanikut, policët e stacionit në Kaçanik kanë ndaluar e më pas kanë arrestuar personin e kërkuar me urdhëresë të gjykatës , A.P (M/K), i moshës 30 vjeçar.
Ai ishte i kërkuar në bazë të urdhëresës së Gjykatës Themelore në Ferizaj për veprat penale ‘Kanosje dhe Dhunë në familje ’’ me dënim burgimi prej 8.5 muajve (tetë muaj e gjysmë).
Pas kompletimit të dokumentacionit, i njëjti është dërguar në vuajtje të dënimit.
(Kosova Sot Online)