Avokatët e Kosovës njihen zyrtarisht nga Gjermania, Rohde: Zhvillim emocionues

Ambasadori gjerman në Kosovë, Jorn Rohde, e ka cilësuar si lajm të mirë regjistrimin e avokatëve kosovarë në Gjermani, përcjell "Kosova Sot Online".

Ai ka shkruar se ky është një zhvillim emocionues.

Rohde, theksoi se ky hap do të ndihmojë që të rritet bashkëpunimi ekonomik mes dy vendeve.

“Zhvillim emocionues! Avokatët kosovarë tani mund të regjistrohen pranë shoqatave të avokatëve gjerman. Ky hap premton të rrisë bashkëpunimin ekonomik dhe të përmirësojë ekzekutimin e projektit ndërkufitar gjermano-kosovar. Një hap i rëndësishëm përpara!”, shkroi Rohde.

(Kosova Sot Online)