Escobar: Korrupsioni është problem i madh për të gjithë rajonin

Korrupsioni është problem i madh për të gjithë rajonin, ka deklaruar i dërguari i posaçëm i Shteteve të Bashkuara të Amerikës për Ballkanin Perëndimor, Gabriel Escobar, transmeton gazeta "Kosova Sot Online".

Escobar tha në një intervistë për mediumin maqedonas “360 Gradë” se Administrata Biden është e përkushtuar në luftën ndaj korrupsionit dhe paralajmëroi se do të ketë sanksione.

“Më lejoni të them vetëm se kjo administratë, administrata Biden, është e përkushtuar për ta luftuar korrupsionin. Sepse korrupsioni është kaq gërryes për shoqëritë. Nuk mund ta bëjmë një njoftim për sanksione, por të jeni të sigurt që do të ketë”, tha Escobar.

“Pra, ndoshta – po?”, e pyeti gazetari.

“Po”, iu përgjigj prerazi Escobar.

(Kosova Sot Online)