Kurti: Ngjashmëritë e Kosovës dhe Ukrainës janë se të dyja vendet i takojnë BE-së

Ngjashmëritë e Kosovës dhe Ukrainës janë në atë se të dyja vendet i takojnë Bashkimit Evropian, ka deklaruar kryeministri i vendit, Albin Kurti, transmeton gazeta “Kosova Sot Online”.

Përveç aspiratës në BE, Kurti tha se Kosova e Ukraina e kanë edhe një të përbashkët – të dyja vendet kanë fqinj verior të cilët janë agresivë dhe nuk duan të ballafaqohen me të kaluarën.

“Por në të kundërtën duan që të kenë të gjithë apo së paku një pjesë të territorit tonë. Në anën tjetër Moska e Beogradi janë të lidhura në mes vete në mënyrë direkte, dhe këto lidhje janë në sektorin energjik, kulturor e historik por po ashtu edhe në aktivitete ushtarake”, tha Kurti për median polake “TVP World”.

Tutje, Kurti tha se politikani më prorus në Serbi është Aleksandar Vulini, dhe këto lidhje mes Beogradit e Kremilinit, sipas tij, e bëjnë edhe më tepër të njëjtë situatën e Kosovës dhe Ukrainës.

“Serbia nuk është Rusi, ne e kemi NATO-n në Kosovë. Serbia do të dështojë. Ne kemi arritur marrëveshje për de-eskalim në veri dhe kemi marrëveshje për normalizimin e marrëdhënieve, e cila në qendër ka njohjën de-facto”, tha ai.

(Kosova Sot Online)