Mustafa jep detaje për marrjen në pyetje në zyrën e EULEX

Pas marrjes në pytje në zyrën e EULEX, është deklaruar Rrustem Mustafa, transmeton gazeta "Kosova Sot Online".

Ai ka ripërsëritur se i është sekuestruar telefoni dhe më pas ka përfunduar edhe biseda aty.

Sipas tij, personeli nga Gjykata Speciale janë sjellur me respekt.

Ai është shprehur se hetuesit e Gjykatës Speciale të Kosovës janë paraqitur pranë shtëpisë së tij sonte rreth orës 20:00.

Postimi i tij i plotë:

Të nderuar qytetarë dhe bashkëluftarë,

Sonte rreth orës 20:00 para shtëpisë time më janë prezentuar hetuesit e Gjykatës Speciale të Kosovës me një urdhër nga prokuroria e Gjykatës Speciale për kontroll të telefonit. Gojarisht më shpjeguan se duhet të bëjmë një bisedë zyrtare në zyre të Eulexit.

Personeli nga Gjykata Speciale janë sjellur me respekt. Në zyre të Eulexit më është sekuestruar  telefoni im dhe posa është bërë kjo kontrollë pa asnjë interesim shtesë nga ana e tyre, ka përfunduar biseda dhe tani gjendem në shtëpi.

(Kosova Sot Online)