Escobar kërkoi dorëheqjen e kryetarëve në veri, Basha: Kjo kishte me qenë serioze vetëm nëse Eskobar kish kërku edhe dorëheqjen e Vuçiqit

Deputeti i VV’së, Dimal Basha, ka reaguar pas deklaratës së emisarit amerikan për Ballkanin, Gabriel Escobar se dorëheqja e kryetarëve aktualë në Veri është rruga më e shpejtë dhe më e lehtë, përcjell “Kosova Sot Online”.

Ai ka thënë se më serioze do të ishte nëse Escobar do të kërkonte dorëheqjen e presidentit serb, Aleksandar Vuçiq, për disa arsye që ai ka listuar.

Postimi i plotë:

Eskobar paska deklaru se, "dorëheqja e kryetarëve në komunat veriore të Kosovës do të ishte rruga më e shpejtë dhe më e lehtë."

Kjo kishte me qenë serioze vetëm nëse Eskobar kish kërku edhe dorëheqjen e Aleksandar Vuçiqit, i cili ndër tjera:

𝟏. Nuk i vë sanksione Rusisë,

𝟐. Urdhëron dhunë ndaj ushtarëve të KFOR-it,

𝟑. Nuk jep përgjegjësi për 3 qytetarë amerikanë të vrarë pas shpine në kohën kur Vuçiq ka qenë Ministër i Propagandës,

𝟒. Kërcënon serbët që kërkojnë të integrohen në Kosovë,

𝟓. Diskriminon dhe persekuton shqiptarët në Luginë,

𝟔. Bën sabotime të shtetit të pavarur të Kosovës,

𝟕. Refuzon me i respektu marrëveshjet me Kosovën, përfshi këtë të fundit....

lista vazhdon...

(Kosova Sot Online)