Plagoset minatori në minierë

Një minator ka mbetur i plagosur këtë të diel në një nga galeritë e kromit në Martanesh të Bulqizës, transmeton gazeta "Kosova Sot Online".

Mësohet se minatori 50-vjeçar ka qenë në punë teksa është goditur nga një masiv gurësh në këmbë.

Edhe pse ditë e diel, minatori ka qenë në punë teksa policia njoftoi se ai është dërguar në spital për ndihmë mjekësore dhe ka nisur hetimet ndaj subjektit në fjalë.

“Është dërguar për ndihmë mjekësore në spital shtetasi M.G., 50 vjeç, i cili dyshohet se gjatë punës në një minierë kromi në Martanesh, është aksidentuar duke u lënduar në këmbë.
Grupi hetimor po kryen hetimet në vendngjarje dhe po punohet për zbardhjen e rrethanave kësaj ngjarjeje”, njoftoi policia.

Mësohet se pas marrjes së ndihmës së parë në spitalin e Bulqizës, 50-vjeçari është dërguar në Tiranë për mjekim më të specializuar.

(Kosova Sot Online)