Sinani: Asnjë shqiptar në pozita drejtuese në institucionet shëndetësore në Luginë të Preshevës
Ish-kryetarja e Preshevës, Ardita Sinani, tani këshilltare e kryeministrit Albin Kurti, ka publikuar disa të dhëna, ku figuron se asnjë shqiptar nuk mban poste të larta në institucionet shëndetësore të Luginës së Preshevës, përcjell “Kosova Sot Online”.
Sinani ka shkruar se nuk ka as mjekë shqiptar në spitalin më të afërt regjional, të Vranjës, ani pse 40 përqind e pacientëve janë shqiptarë.
Ajo ka thënë se ky është diskriminim i qëllimshëm shtetëror kundër pakicës kombëtare.
“Asnjë shqiptar etnik nuk mban poste të larta në institucionet shëndetësore të Luginës së Preshevës. Gjithashtu nuk ka mjekë shqiptar në spitalin më të afërt regjional, të Vranjës, ku 40 përqind e pacientëve janë shqiptarë – dhe asnjë farmacist(shqiptar) në farmacinë e qytetit të Bujanovcit. Diskriminim i qëllimshëm shtetëror nga lartë-poshtë kundër pakicës kombëtare”, ka shkruar Sinani në platformën “X”.
No ethnic Albanians hold senior positions in Presheva Valley health institutions. Also no 🇦🇱doctors in closest reg. hospital, Vranja—where ~40% of patients are Albanian—& no pharmacists in Bujanoc's City Pharmacy. Deliberate, top-down state discrimination against nat'l minority. pic.twitter.com/gEt6xehp0p
— Ardita Sinani (@SinaniArdita) October 11, 2023
(Kosova Sot Online)