Sekretarja franceze për çështje Evropiane: Është e rëndësishme që Kosova të riangazhohet në dialog me Serbinë
Sekretarja e shtetit francez për Evropë, Laurence Boone, ka shkruar lidhur me takimin që ka pasur m zëvendëskryeministrin e Kosovës, Besnik Bislimi në Paris, përcjell “Kosova Sot Online”.
Boone ka thënë se në këtë takim ka shprehur dënimin e sulmit të 24 shtatorit kundër policisë së Kosovës duke e cilësuar sulmin si të papranueshëm.
Boone ka theksuar rëndësinë që Kosova të ri-angazhohet në dialog me Serbinë në dialogun e lehtësuar nga BE-ja me synim normalizimin e raporteve.
“Me zëvendëskryeministrin e Kosovës, Besnik Bislimi. Dënim i sulmit të papranueshëm të 24/09 kundër policisë së Kosovës. Është e rëndësishme që Kosova të riangazhohet në dialog me Serbinë, të lehtësuar nga BE, me synim normalizimin e marrëdhënieve të tyre” , ka shkruar Sekretarja franceze për Evropë.
Avec @BislimiBesnik vice-Premier ministre du Kosovo 🇽🇰
— Laurence Boone (@LaurenceBoone) October 21, 2023
☑️ Condamnation de l’attaque inacceptable du 24/09 contre la police 🇽🇰
☑️ Importance que le Kosovo se réengage dans le dialogue avec la Serbie, facilité par l’🇪🇺, en vue d’une normalisation de leurs relations. https://t.co/U51zwrw0eQ pic.twitter.com/UkCXqVKor1
(Kosova Sot Online)
